TAFAKURI
YANGU
Na mwandishi
wetu,
Asalam aleykkum,
Tumsifu Yesu kristo ndugu zako wakazi wa Terat na wanaumajimui wa jamvi hili.
Nisisahau kusalimia kulingana na umri na rika, airoroki ndai loo akwi, airoroki
ndai loo papa, endasupai lepaiyani naidipaki aajo endasupai le muran???
Wooj!!!! Esamiakaki taa noo yeiyo aamu ituarikino ndai, Endakwenye noo koko oo
noo yeiyo??? Marikino siake selengen, Endasupai indoiye????
Wanawanchi kama
nilivyo ahidi awali kwamba kila siku za Jumanne na Ijumaa nitakuwa nawaletea
mfululizo wa elimu yangu juu ya mambo mbalimbali yanayozunguka jamii kisiasa,
kijamii na kiuchumi. Leo nafungua ukurasa kwa kuanza na makala hii ambayo
naamini itatoa darasa la kutosha kwa wanajamvi wenzangu. Makala hii itakwenda
kwa jina la TAFAKURI YANGU, ikiwa na manna ya mawazo yangu (my thought, meditation).
Tafakuri la leo linatanabaisha juu ya MAPATO YA SERIKALI ZA MITAA/VIJIJI.
Ungana na mwanatafakuri wetu ili uweze kupata elimu hii ya bure ambayo haitozwi
ada wala hela ya dawati.
1. Mapato yanayotokana na shughuli za kibiashara na
viwanda zinazomilikiwa na na au huduma zinazotolewa na mtaa/kijiji.
2. Fedha zinazotokana na leseni, vibali, ada na
ushuru ulioainishwa katika sheria ndogo zinazotungwa na halmashauri ya
kijiji/mtaa.
3. Fedha zinazotokana na upangishaji wa majengo ya
halmashauri ya kijiji/mtaa.
4. Fedha itokanayo na mikopo ambayo halmashauri ya
kijiji/mtaa imepata kutoka taasisi zinazokopesha fedha au kutoka mahali
pengine.
5. Mapato ya halmashauri ya kijiji/mtaa kutoka kwa
mtu au taasisi ya umma au serikali au halmashauri ya wilaya au ya mji kama
mchango, ruzuku, fidia au namna nyingine yoyote.
6. Fedha inayotokana na sheria ya kodi ya burudani
inayokusanywa ndani ya eneo la kijiji/mtaa (sheria Na.21 ya 1970)
7. Kodi inayolipwa na kukusanywa ndani ya eneo la
kijiji/mtaa kutokana na wenye nyuma za wageni.
8. Ushuru unaotozwa kutokana na sheria ndogo ya
kijiji/mtaa kwa biashara za rejareja, usagaji na ukoboaji wa nafaka, uuzaji wa
mkaa, mbao na bucha zilizo ndani ya eneo la kijiji/mtaa na katika miji midogo
ya biashara:
a)
Biashara
ya rejareja Tsh 15,000
kwa mwaka
b) Mashine za kusaga unga Tsh 20,000 kwa mwaka
c)
Mashine za
kukoboa Tsh 15,000 kwa
mwaka
d) Biashara ya mkaa Tsh 15,000 kwa mwaka
e)
Biashara
ya kuuza mbao Tsh 20,000 kwa
mwaka
f)
Bucha Tsh 10,000 kwa mwaka
9. Mapato mengine yoyote halali yanayopatikana kwa
njia nyingine.
10.
Fedha
atakayotozwa mtu yeyote kama faini ya kuvunja sheria ndogo ya kijiji/mtaa.
11.
Kwa mujibu
wa sheria ya ardhi ya vijiji (Na.5 ya 1999 kifungu cha 18(1)(f) Halmashauri ya
kijiji/mtaa kinaweza kutoza wanakijiji ada ya mwaka ya hakimiliki za kimila za
ardhi yao.
12.
Chanzo
kingine cha mapato ya serikali za vijiji/mitaa kinatokana na kanuni za serikali
za mitaa za taratibu za ukusanyaji wa kodi (GN No. 346/87). Kanuni hizi
zinateua serikali za vijiji kuwa wakala wa halmashauri ya wilaya/miji na
kuagiza halmashauri ya wilaya/miji kulipa halmashauri ya kijiji/mtaa asilimia
17 au zaidi ya fedha zilizo kusanywa na serikali ya kijiji/mtaa na kumlipa
mwenyekiti wa kitongoji 3% ya fedha alizokusanya.
Je, Kati ya vyanzo vyote hivi ni vipi vipo kwenye kata yetu ya terat na
vinanufaishaje kata yetu???
Asanteni na tukutane tena jumanne ijayo..
Cont: 0712 814 285
